Sigurime të Marinës

Sigurimi i Anijeve

Ky sigurim ofron mbulim për anijet, mjetet e tjera lundruese dhe përgjegjësinë e riparuesve dhe ndërtuesve. Kushtet e Sigurimit të Anijeve përcaktohen në klauzolat e zgjedhura të sigurimit, të cilat përdoren në tregun ndërkombëtar të Sigurimit të Anijeve, që ofrohen nga Siguruesi dhe që përcaktohen kryesisht nga destinacioni i anijes. Dëmshpërblehen dëmet e shkaktuara si rrjedhojë e humbjes, të cilat bëhen të pagueshme me vërtetimin e ngjarjes së sigurimit. Vlera maksimale për t'u dëmshpërblyer është në varësi të shumës së sigurimit dhe klauzolës së zgjedhur dhe përcaktuar në policë. Kontrata e sigurimit i nënshtrohet legjislacionit shqiptar dhe konventave ndërkombëtare që kanë të bëjnë me lundrimin detar, të cilat janë të pranuara nga shteti shqiptar. Ky lloj sigurimi mbulon humbjet ose dëmet e objekteve lëndore të siguruara shkaktuar nga: Rreziqet e detrave, lumenjve, liqeneve, etj.; Pirateria, kontakti me mjete transporti tokësor, doku ose pajisje e instalime të portit; Tërmeti, shpërthime vullkanike e rrufeja, aksidente në ngarkim-shkarkim, lëvizja e ngarkesës ose e karburantit. Në rast të të ndonjë dëmi, i Siguruari duhet të njoftojë paraprakisht menjëherë sapo të ndodhë ngjarja (sipas formularit të dhënë nga Siguruesi).

Tarifat e Primeve të Rrezikut

EUROSIG 2026 — Tarifat e primeve për produktet e sigurimit të detyrueshëm

Kategoria	Prim rreziku
A1/1	3,000
A1/2	5,000
B1/1	9,085
B1/2	10,300
B2/1	14,700
B2/2	19,600
C1/1	32,000
D1/1	13,200
D2/1	23,800
E1/1	6,700
F1/1	5,200
G/1	12,400

* Çmimet janë në Lekë (ALL). Tarifat mund të ndryshojnë sipas rregulloreve të AMF.

Pyetje të Shpeshta

Çfarë mbulon sigurimi i anijeve dhe mjeteve lundruese?

Sigurimi i anijeve mbulon humbjet dhe dëmet e objekteve të siguruara të shkaktuara nga rreziqet e detrave, lumenjve e liqeneve, pirateria, kontakti me mjete transporti tokësor, dok ose pajisje porti, tërmetet, shpërthimet vullkanike, rrufetë, si dhe aksidentet gjatë ngarkimit e shkarkimit. Vlera maksimale e dëmshpërblimit varet nga shuma e sigurimit dhe klauzola e zgjedhur në policë.

Cilat janë tre format kryesore të mbulimit për sigurimin e mallrave gjatë transportit (Cargo)?

Ekzistojnë tre forma mbulimi: (1) Mbulimi i Rrezikut C — mbulon zjarrin, shpërthimin dhe aksidentet e mjeteve të transportit; (2) Mbulimi i Rrezikut B — përfshin të gjitha mbulimet e C plus tërmetet, shpërthimet vullkanike, rrufenë dhe dëmet nga uji i detit; (3) Mbulimi i Rrezikut A — është mbulimi më i gjerë dhe përfshin të gjitha rreziqet e humbjeve ose dëmeve nga çdo ngjarje e rastit, e paparashikuar dhe aksidentale.

Brenda sa orësh duhet të njoftoj EUROSIG-un në rast dëmi gjatë transportit të mallrave?

I siguruari duhet të njoftojë EUROSIG brenda 48 shortësh nga çasti që ka marrë dijeni për ngjarjen e sigurimit. Njoftimi bëhet në numrat zyrtarë të kompanisë ose në emailin zyrtar info@eurosig.al. Gjithashtu duhet të merren pa vonesë të gjitha masat për ruajtjen ose shpëtimin e mallrave dhe minimizimin e dëmit.

Çfarë dokumentesh nevojiten për të bërë reklamim dëmi për mallrat e transportuara?

Për reklamim dëmi duhen: polica e sigurimit origjinale, fatura origjinale e mallit, fletë ngarkesa origjinale, raporti i survejimit, raporti i ekspertit, certifikata e origjinës, proces-verbalet me transportuesin, llogaritja e madhësisë së dëmit, proces-verbali i rivlerësimit të mallrave të dëmtuara që mund të ripërdoren, si dhe çdo dokument tjetër i lidhur me rastin.

Çfarë ndodh nëse ndryshohet destinacioni i udhëtimit pas lidhjes së kontratës?

Nëse pas lidhjes së sigurimit ndryshohet drejtimi i udhëtimit, mbulesa e sigurimit vazhdon të jetë në fuqi me kusht që t'i jepet njoftim i menjëhershëm siguruesit dhe të bien dakord për primin dhe kushtet e reja. Nëse transporti përfundon në një port tjetër për shkaqe jashtë kontrollit të të siguruarit, sigurimi mbetet në fuqi me notifikim të menjëhershëm dhe eventualisht prim shtesë.

Çfarë mbulon TPL për mjetet e vogla lundruese?

TPL për mjetet lundruese mbulon përgjegjësinë ligjore të mbajtësit të mjetit të vogël lundrues, në zbatim të Ligjit nr. 10076, datë 12.02.2009 "Për Sigurimin e Detyrueshëm në Sektorin e Transportit". Mbulohen dëmet jo pasurore (shëndetësore) dhe pasurore të shkaktuara palëve të treta gjatë përdorimit të mjeteve të vogla ujore të siguruara, brenda limiteve të përgjegjësisë të parashikuara në ligj.